ओखलढुंगामा पहिरोले ३ घर बगायो, ३ को मृत्यु, १ बेपत्ता

असार ८, सोलुखुम्बु । ओखलढुंगामा पहिरोले घर बगाउदा एकैपरिवारका ३ जनाको मृत्यु भएको छ भने एक जना बेपत्ता भएका छन् ।

मृत्यु हुनेमा जिल्लाको चम्पादेवि गाउँपालिका ८ विलन्दुका ३६ वर्षीय रण बहादुर गुरुङ, उनका श्रीमती २९ वर्षीया शिव माया गुरुङ र १८ महिनाकी छोरी कृतिका गुरुङ रहेको जिल्ला प्रहरी कार्यालय ओखलढुंगाले जनाएको छ ।

रण बहादुरका छोरा १० वर्षीय दिनेश गुरुङ पहिरोमा बेपत्ता भएकाले खोजी भईरहेको ओखलढुंगा प्रहरी प्रमुख प्रहरी नायब उपरीक्षक(डिएसपी) दिपक बहादुर केसीले जानकारी दिए ।