सोलुखुम्बु । हिमाली जिल्ला सोलुखुम्बुको जनसंख्या १ हजार भन्दा बढीले घटेको छ । वि.स. २०६८ सालको जनगणनाको तुलनामा २०७८ सालमा १ हजार ३५ ले जनसंख्या घटेको राष्ट्रिय तथ्यांक विभागले जनाएको छ ।
विभागको तथ्यांक अनुसार २०६८ मा जिल्लामा ५१ हजार २ सय पुरुष र ५४ हजार ६ सय ८६ महिला गरी कुल जनसंख्या १ लाख ५ हजार ८ सय ८६ थियो भने २०७८ सालमा घटेर ५२ हजार ७ सय ४७ पुरुष र ५२ हजार १ सय ४ महिला गरी कुल जनसंख्या १ लाख ४ हजार ८ सय ५१ मा झरेको छ ।
जिल्लाको ८ स्थानीय तह मध्ये सबै भन्दा बढी जननसंख्या सोलुदुधकुण्ड नगरपालिकामा २५ हजार ६ सय ७८ रहेका छन् भने सबै भन्दा कम लिखुपिके गाउँपालिकामा ५ हजार ३ सय ३४ रहेको तथ्यांकमा उल्लेख छ ।
यस्तै थुलुङ दुधकोशी गाउँपालिकामा १८ हजार ३ सय ५४, नेचासल्यान गाउँपालिकामा ११ हजार ३ सय ८१, सोताङ गाउँपालिकामा ९ हजार २५, महाकुलुङ गाउँपालिकामा ११ हजार ८ सय ४७, माप्यदुधकोशी गाउँपालिकामा १२ हजार ६ सय ४८ र खुम्बु पासाङ ल्हामु गाउँपालिकामा ८ हजार ७ सय २० रहेको विभागका जनगणना शाखा अधिकृत दिननाथ लम्सालले बताए ।
