खुम्बुमा सडक खन्ने क्रममा शेर्पाको खुट्टा चुँडियो !

सोलुखुम्बु । सोलुखुम्बुको खुम्बु पासाङ ल्हामु गाउँपालिका १ थामडाँडामा सडक खन्ने क्रममा आएको पहिरोमा पुरिएर एक कामदार गम्भीर घाईते भएका छन् ।

घाईते हुनेमा ओखलढुंगाको खिजिफलाटेका २४ वर्षीय पेम्बा नुरी शेर्पा रहेको वडाध्यक्ष फुनुरु शेर्पाले जानकारी दिए । उनका अनुसार थामडाँडा हुँदै लुक्ला जोड्ने सडक खन्ने क्रममा माथिबाट आएको पहिरोले पुरिदा पेम्बा नुरीको दाहिने खुट्टा नै चुँडिएको छ भने शरिरको अन्य भागमा पनि चोट लागेको छ ।