spot_img

एभोकाडो खेतीमा रमाउँदै सोलुका किसान

spot_img

सोलुखुम्बु । पोषिलो र बहुउपयोगि फलको रुपमा परिचित एभोकाडो अर्थात घिउ फलको माग नेपाली बजारमा उच्च भएपनि उत्पादन भने सिमित छ । संसारभर लोकप्रियता आकाशिँदो रहेको यस फलको खेती तर्फ सोलुका किसान अग्रसर देखिएका छन् ।

Advertisement

जिल्लाको थुलुङ दुधकोशी गाउँपालिका ८ देउसाका केशव राईले ५ वर्षअघि विस्तार गरेको एभोकाडो अर्थात घिउ फलको विरुवाले अहिले उत्पादन दिन थालेको छ । परिक्षणका लागि रोपेको एभोकाडोको विरुवाले अहिले राम्रो उत्पादनसँगै आम्दानी दिन थालेपछि राई निक्कै दंग छन् ।

Advertisement

कृषि ज्ञान केन्द्र सोलुखुम्बुले करिब २ वर्ष अघि देउसा क्षेत्रमा १२ सय ५० बोट एभोकाडोको विरुवा वितरण गरेको थियो । ति विरुवाहरु अहिले हुर्किरहेको कृषकहरु बताउँछन् । जिल्लामा हाल १३ सय बोट जति एभोकाडोको विरुवा हुर्किरहेको ज्ञान केन्द्रको अनुमान छ ।

Advertisement

बलौटे माटोमा खेती गर्न सकिने एभोकाडो जिल्लाकोे थुलुङ दुधकोशी, नेचासल्यान, सोलुदुधकुण्ड लगायतको क्षेत्रमा लगाउन सकिने कृषि प्राविधिकहरु बताउँछन् । करिब ५ वर्ष अघि रोपेको विरुवा अहिले राम्रो आम्दानीको श्रोत बन्न थालेको नेचासल्यान ४ सिरान्देलकी शान्ती राईको भनाई छ ।

बातावरणीय हिसाबमा समेत बाह्रै महिना हरियो रहने भएकोले यसलाई कार्बन नियन्त्रणमा निकै फाइदाजनक मानिन्छ । एभोकाडो खेती पनि अरू बालीको तुलनामा निकै सजिलो र लागत कम हुने भएकोले कृषकका लागि पनि यो निकै फाइदाजनक साबित भएको छ ।

बजारमा यसको माग उच्च रहेकाले कृषिबाटै आम्दानी लिन चहानेहरुका लागि यस फलको खेती उपयुक्त हुने कृषि ज्ञान केन्द्रका सुचना अधिकारी एवं कृषि प्रसार अधिकृत कुल बहादुुर राई बताउँनुहुन्छ ।

पहाडी भेगमा रहेको पाखो तथा खेती गर्न नसकिने जमीनले पनि अबको दिनमा करोडौंको आम्दानी दिन्छ भन्ने उदाहरण बनेको छ । एभोकाडोलाई त्यतिकै खान पनि सकिन्छ भने धेरै उत्पादन भए क्रिम, बटर, तेल, मायोनेज सस, वाइन लगायतका भ्यालुएडेड चिजहरू बन्छ । नेपालमा फैलिँदै गरेको यो बालीले नयाँ प्राविधिक उत्पादनको आहृवान गरिरहेको छ ।

spot_imgspot_img
spot_imgspot_img
spot_imgspot_img

प्रतिक्रिया

LEAVE A REPLY

Please enter your comment!
Please enter your name here

सम्बन्धित खवर
spot_img
spot_img
spot_img
spot_img
spot_img
spot_img
spot_img

भर्खरै