सोलुखुम्बु । सोलुखुम्बुको सोताङ गाउँपालिका ३ सोहरामा मृत भेटिएका पुरुषको सनाखत हुन नसक्दा पोष्टमार्टममा समस्या भएको छ । गत आईतबार मृत भेटिएका अन्दाजी वर्ष ३५ का सुमेन्द्र राईको आफन्त सम्पर्कमा नआउँदा पोष्टमार्टममा समस्या भएको प्रहरीले जनाएको छ ।
उनको शव मुखबाट रगत बगेको अवस्थामा भेटिएको जिल्ला प्रहरी कार्यालयले जनाएको छ । प्रहरी निरीक्षक राम किशोर शाहका अनुसार मृतको साथमा भेटिएको कोरोना खोप कार्डमा निजको ठेगाना भारतको दार्जलिङ कुर्सुङ १५ घर नं.२५ भएको खुलेको खुलेको छ ।
यद्यपी सो ठेगानामा सुमेन्द्र राई नाम गरेका व्यक्ति नभएको भारतिय प्रहरीले बताएको छ । शव अहिले पोष्टमार्टमका लागि जिल्ला अस्पताल फाप्लुको शव गृहमा राखिएको छ ।
मृतकको हालसम्म सनाखत हुन नसकेकाले आफन्तले प्रहरी कार्यालयको सम्पर्क नम्बर ९८५२८९०१९९, ९८५२८९०४६७ वा १०० मा सम्पर्क गरि जानकारी गराई दिन हुन प्रहरीले अनुरोध गरेको छ ।
