काठमाण्डौं । गायक गौतम सागर राईले अमेरिकाबाट नेपालको गाउँघर सम्झेका छन् । ‘सोताङ गाउँ’बोलको गीतबाट आफू जन्मे हुर्केको सोलुखुम्बुको सोताङ गाउँ सम्झना गरेका हुन् ।
अमेरिका निवासी गीतकार मणिराज बस्नेतको गीत, गायक राईकै संगीतमा तयार भएको गीतमा महिला गायनमा बबिना किराँतीले साथ दिएकी छिन् । लिप्सिङ भिडियो सार्वजनिक गरिएको गीतमा दाजुवहिनीको गीति संबाद प्रस्तुत गरिएको छ ।
गीतमा शुक्रबारे हाटबजार, दुधकोशी नदि, हुलु डाँडा देवीथान लगायतका स्थानलाई समाबेश गरेर गाउँघरको यादलाई अझ प्रेमिल बनाइएको छ ।
मनोज साङसङ राईको एरेन्जमा तयार भएको गीत स्टुडियो किङमा रेकर्ड गरिएको हो । जस्केलो क्रियशनले तयार पारेको भिडियो गौतम सागर राईको अफिसियल युटुव च्यानलमा अपलोड गरिएको छ ।
गायक राईले यसअघि ‘लाहुर जाने लाहुरे’, ‘आमा’, ‘परदेशीको याद’, ‘सिमापारी’, ‘दशैँ आयो, तिहार आयो’लगायतका गीत सार्वजनिक गरिसकेका छन् ।
