मंसिर ३, सोलुखुम्बु । केही दिन यता हिमाली जिल्ला सोलुखुम्बुको मौसम अत्यन्त खुलेको छ । मौसम खुलेसँगै वरपरका मनमोहक दृष्यहरु अत्यन्त प्रष्टसँग देखिएको छ ।
जिल्ला सदरमुकाम सल्लेरीबाट आँखै अगाडी देखिने नुम्बुर हिमाल र वरपरका डाँडा तथा पहाडले अवलोकनकर्ताको मन लोभ्याउन लागेको छ । निलो आकाश, टलक्क चाँदी झै टल्किएको हिमाल र आसपासका मनै लोभ्याउने पहाड तथा अन्य दृष्यहरुले जोकोहीलाई मनमोहक बनाएको छ ।
मौसम खुलेसँगै सल्लेरीमा केही न्यानो महसुस समेत गरिएको सल्लेरीका राम कुमार राजभण्डारीले बताए । उनले भने, ‘अस्ति केहि दिन अघि अलिक चिसो थियो तर हिजो आज त मौसम खुलेर निक्कै तातो महसुस भईराछ, दिन उग्रिदा त वरपरको वातावरण पनि कति राम्रो देखिएको, हेरिरहौँ लाग्ने’ ।
मौसममा सुधार आएसँगै फाप्लु विमानस्थल र लुक्ला विमानस्थलमा बिहानै देखि हवाई उडान भएको छ भने स्थानीयवासीहरु समेत न्यानो घाममा मस्तसँग रमाईरहका छन् ।
![सोलुको खुलेको मौसम अनि चहकिलो नुम्बुर हिमाल(फोटो फिचर) 1 IMG 1582](https://www.satyapress.com/wp-content/uploads/2023/11/IMG_1582-1024x683.jpg)
![सोलुको खुलेको मौसम अनि चहकिलो नुम्बुर हिमाल(फोटो फिचर) 2 IMG 1580](https://www.satyapress.com/wp-content/uploads/2023/11/IMG_1580-1024x683.jpg)
![सोलुको खुलेको मौसम अनि चहकिलो नुम्बुर हिमाल(फोटो फिचर) 3 Number Himal](https://www.satyapress.com/wp-content/uploads/2023/11/Number-Himal-1024x683.jpg)
![सोलुको खुलेको मौसम अनि चहकिलो नुम्बुर हिमाल(फोटो फिचर) 4 IMG 1579](https://www.satyapress.com/wp-content/uploads/2023/11/IMG_1579-1024x683.jpg)