असोज १५, सोलुखुम्बु । सोलुखुम्बुका १४ हजार बढी नागरिककोे राष्ट्रिय परिचयपत्र छापिएर जिल्ला आईपुगेको छ । परिचय पत्रका लागि जिल्लामा ५० हजार ३ सय १६ जनाले फारम भरेकामा १४ हजार ३० जनाको परिचयपत्र छापिएर आईपुगेको जिल्ला प्रशासन कार्यालय सोलुखुम्बुले जनाएको छ ।
यो संख्या भदौ मसान्त सम्मको हो । कार्ड छापिएर आएका मध्ये हालसम्म २ सय ७९ जनाले परिचय पत्र लगिसकेको सकेका छन् भने १३ हजार ७ सय ५१ थान कार्ड जिल्ला प्रशासन कार्यालयमा रहेको प्रमुख जिल्ला अधिकारी बसन्त भट्टराईले जानकारी दिए ।
जिल्ला प्रशासन कार्यालय सोलुखुम्बुले अभियानकै रुपमा जिल्लाका ८ वटै स्थानीय तहमा संचालन गरेको शिविरबाट ३१ हजार ७ सय ४१ जनाले आवेदन दिएका हुन ।
जसमा १८ हजार ५ सय ७५ जनाले जिल्ला प्रशासन कार्यालयमै आएर फारम भरेका थिए भने बाँकीले विभिन्न घुम्ति शिविरमा मार्फत फारम भरेका हुन् ।
कुल १ लाख ४ हजार ७ सय ५१ जनसंख्या रहेको जिल्लामा नाबालिक बाहेक करिब ९० प्रतिशतले राष्ट्रिय परिचय पत्रको फारम भरिसकेको बताइएको छ
