सुबास विश्वकर्मा (दर्नाल) १८ बैशाख, सोलुखुम्बु । नेपालका लागि अमेरिकी राजदूत डिन थम्पसनले नेपाल र अमेरिका विचको सम्बन्ध थप मजबुत हुने बताएका छन् । सगरमाथा आरोहण गर्ने पहिलो अमेरिकी नागरिक जिन विथ टेकरले आरोहण गरेको ६० वर्ष पुगेको उपलक्ष्यमा सोलुखुम्बुको नाम्चेमा आयोजित कार्यक्रममा बोल्दै राजदुत थम्पसनले अमेरिकाले नेपालसँग थप सहकार्य गरेर अघि बढ्न चहाएको बताए ।
आफुहरुको नेपालसँगको सम्बन्ध पुरानो भएकाले यसलाई थप मजबुत बनाउन चहाएको उनको भनाई छ । जिन विथ टेकर सन् १९६३ मे १ तारिखका दिन पहिलो अमेरिकी नागरिकको रुपमा विश्वको सर्वोच्च शिखर सगरमाथा आरोहण गरेका थिए । हाल ९५ वर्षका टेकर अमेरिकामै रहेको बताइएको छ ।
उनले आरोहण गरेको ६० वर्ष पुरा भएको उपलक्ष्यमा अमेरिकी दुतावासले नाम्चेको हिमालय आविमा आयोजना गरेको कार्यक्रममा राजदुत थम्पसनसहित, पुर्वराजदुत दापुटी शेर्पा, स्थानीय जनप्रतिनिधि, पर्यटन व्यवसायी लगायतका व्यक्तिहरुको उपस्थिती रहेको एसपीसीसीका अध्यक्ष लामाकाजी शेर्पाले बताए ।
हेलिकप्टर मार्फत नाम्चे आएका राजदुत थम्पसन मौसम प्रतिकुलताका कारण फर्किन नसकेको बताइएको छ । राजदुतसहितको टिम आज सोमबार नाम्चेमै रहेको प्रहरीले जनाएको छ ।
