सोलुखुम्बु । सोलुखुम्बुको जुभिङबाट ५ जना मोतिविन्दुका विरामी छनौट भएका छन् । जिल्लामा आईतबारबाट सुरु भएको निःशुल्क मोतिविन्दु छनौट शिविरमा आज सोमबार दोश्रो दिन जुभिङ स्वास्थ्य चौकीबाट ५ जना छनौट भएको जिल्ला सामुदायिक आँखा केन्द्र फाप्लुका आँखा कार्यकर्ता दिनेश राईले जानकारी दिए ।
उनका अनुसार जुभिङमा ९६ जनाले आँखाको परिक्षण गराएकोमा ५ जना मोतिविन्दुका विरामी छानिएका हुन् । तिलगंगा आँखा प्रतिष्ठान काठमाण्डौ र जिल्ला सामुदायिक आँखा केन्द्र फाप्लुको आयोजना तथा सम्बन्धित पालिकाको समन्वयमा भइरहेको शिविर वैशाख २९ गते सम्म जारी रहने आयोजकले जनाएको छ ।
यस्तै वैशाख ६ गते काँकु आधारभुत स्वास्थ्य चौकी, ८ गते वाकु स्वास्थ्य चौकी, १० गते पावै आधारभुत स्वास्थ्य केन्द्र र १२ गते छेस्काम स्वास्थ्य चौकीमा हुने छ ।
यस्तै वैशाख १४ गते गुदेल स्वास्थ्य चौकी, १६ गते लोखिम स्वास्थ्य चौकी, १८ गते काँगेल स्वास्थ्य चौकी, २० गते केरुङ स्वास्थ्य चौकी, २१ गते गोराखानी स्वास्थ्य चौकी, २२ गते नेचाबेतघारी र २६ गते जिल्ला सामुदायिक आँखा केन्द्र फाप्लुमा छनौट शिविर हुने आँखा केन्द्र प्रमुख विधान ताम्राकारले बताए ।
छनौट भएका मोतिविन्दुका विरामीहरुलाई वैशाख २८ र २९ गते जिल्ला सामुदायिक आँखा केन्द्र फाप्लुमा तिलगंगा आँखा अस्पतालका सन्दुक रुइतसहितका विषेशज्ञहरुद्वारा शल्यकृया शिविर आयोजना गरिने जनाइएको छ ।
