सोलुखु्म्बु । सोलुखुम्बुको खुम्बु पासाङ ल्हामु गाउँपालिका १ थामडाँडामा सडक निर्माणको क्रममा घाईते भएका कामदार पेमनुरी शेर्पाको खुट्टा जोडिएको छ । ङिमदोर्जी शेर्पा सडक ट्रयाक ओपन गर्ने क्रममा गत बुधबार माथिबाट खसेको पहिरोमा परी दाहिने खुट्टाको हड्डी दुई टुक्रा भएका शेर्पाको अप्रेसन गरी खुट्टा जोडिएको हो ।
पहिरोमा शेर्पाको दाहिने खुट्टाको गोली गाँठाको हड्डी दुई टुक्रामा विभाजित भएको थियो भने ढाडमा समेत चोट लागेको थियो । घटना लगत्तै हेलिकप्टर मार्फत उद्वार गरी काठमाण्डौँ लगिएका शेर्पाको अहिले ट्रमा सेन्टर काठमाण्डौँमा उपचार भईरहेको सडक निर्माणकर्ता विरुवा एडि जेवी निर्माण कम्पनीका कन्ट्रयाक्टर दावा शेर्पाले बताए ।
उनका अनुसार घटना लगत्तै काठमाण्डौँको अर्थोपेटिक अस्पताल पु¥याएका शेर्पालाई त्यहाँ उपचार सम्भाव नभएपछि ट्रमा सेन्टर लगिएको थियो । सोही रात ट्रमा सेन्टरमा घाईतेको खट्टामा स्टिल राखेर अप्रेसन गरिएको जनाइएको छ । अहिले उनको ढाडको अप्रेसन गर्ने तयारी भईरहेको अस्पतालले जनाएको छ ।
घाईतेको उद्वार गर्न प्रयोग गरिएको हेलिकप्टर चार्ज भने खुम्बु पासाङ ल्हामु गाउँपालिकाले बेहोरेको निर्माण कम्पनीका प्रतिनिधि दावा शेर्पाले बताए । उपचारमा लागेको खर्च भने विमाले बेहोर्ने जनाइएको छ ।
