सोलुखुम्बु । सगरमाथा आरोहणका लागि खुम्बु आइसफलमा बाटो बनाउने काम सकिएको छ । दोस्रो शि
विरका लागि बाटो बनाउने जिम्मेवारी पाएको सगरमाथा प्रदूषण नियन्त्रण समिति (एसपीसीसी) बाट खटिएका आइसफल डाक्टर अर्थात् हिउँमा बाटो बनाउने कामदारहरूले खुम्बु आइसफलमा भ¥याङ राख्ने, डोरी टाँग्ने लगायतका काम गरी बाटो बनाएका हुन् ।
अहिले दोस्रो शिविरसम्म पुग्नका लागि बाटो बनाउने काम अन्तिम चरणमा पुगेको एसपीसीसीले जनाएको छ । यो बाटोबाट सगरमाथासहित ल्होत्से र नुप्त्से हिमालको पनि आरोहण गरिन्छ ।
दोस्रो शिविरसम्मको बाटो तयार भइसकेपछि त्योभन्दामाथिको बाटो भने आरोहण गराउने कम्पनीहरूले निर्माण गर्दै आएका छन् । यसैबीच वसन्तयाममा नेपालका हिमाल चढ्नका लागि अनुमति लिने क्रम सुरु भएको छ । वैशाख जेठमा हुने पर्वतारोहणका लागि आरोहीहरूले अनुमति लिने क्रम सुरु भएको पर्यटन विभागले जनाएको छ ।
आरोहीका लागि अनुमति दिने तथा आरोहण प्रमाणीकरण गर्ने काम पर्यटन विभागले गर्दै आएको छ । विभागको तथ्याङ्कअनुसार अहिलेसम्म पाँच वटा हिमाल आरोहणका लागि ५० जनाले अनुमति लिएका छन् । अनुमति लिनेमध्ये ३३ जना पुरुष र १७ जना महिला रहेका छन् । सबैभन्दा धेरै अन्नपूर्णका लागि ३४ जनाले अनुमति लिएका छन् ।
यस्तै सुर्मा सरोभरका लागि दुई जना, पङ्ग्री गोल्डुम्बाका लागि छ, मनास्लुका लागि दुई र थोरङ पिकका लागि पाँच जनाले अनुमति लिएका छन् ।