काठमाडौं । सिन्धुलीको फिक्कल गाउँपालिकाको आयोजनामा ७ दिने पोषण विशेष प्याकेज तालिम सुरु भएको छ । पालिकाको सबै वडाका स्वास्थ्यकर्मीहरुलाई लक्षित गर्दै जिल्लाको खुर्कोटमा आज( बुधबार)बाट तालिम सुरु भएको हो ।
फिक्कल गाउपालिकालाई बागमती प्रदेशकै पोषण मैत्री स्थानीय शासन लागू भएको पहिलो पाइलट गाउपालिका घोषण गर्न बृहत पोषण विशेष प्याकेज सम्बन्धि तालीम आयोजना गरिएको गाउपालिका स्वास्थ शाखा संयोजक प्रलव घिमिरेले बताए ।
उक्त तालिमको दोस्रो चरणमा सैद्धान्तिक तथा प्रयोगात्मक ज्ञान पोषणका विभिन्न आयमबारे जानकारी गराइने संयोजक घिमिरेको भनाइ छ ।
तालिमको सहजिकरण स्वास्थ कार्यालय सिन्धुलीका पोषण फोकल पर्सन पुष्पराज पन्त, गाउपालिका ६ नम्बर वडाका स्वास्थ चौकी प्रमुख सन्तोष राज पौडेल, गाउपालिका पोषण अभियान्ता तथा कृषि इन्जिनियर सन्दीप उपाध्याय र स्वास्थ संयोजक प्रलव घिमिरेले गरिरहेका छन् ।
