नेचासल्यानले छान्यो १७ कार्यालय सहयोगी

सोलुखुम्बुको नेचासल्यान गाउँपालिकाले करारमा १७ कार्यालय सहयोगी छनौट गरेको छ ।

साउन १ देखि करारको म्याद थप नगर्ने निर्णयपछि रित्त पदमा साउन ५ गते खुला गरिएको करार कर्मचारीको विज्ञापन अनुसार आवेदन दिएर अन्तरवार्तामा सामेल भएकामध्य १७ जनालाई कार्यालय सहयोगीमा छनौट गरिएको हो ।

प्रमुख प्रशासकीय अधिकृत लबुन राईद्वारा जारी सूचनामा ७ जनालाई वैकल्पिक उम्मेदवारको समेत नामावली सार्वजनिक गरिएको छ । १७ जना कार्यालय सहयोगीका लागि १३१ जनाले आवेदन दिएका थिए ।