काठमाण्डौँ । नेकपा माओवादी केन्द्र काठमाण्डौँ – सोलुखुम्बु सम्पर्क समन्वय समितिका अध्यक्ष सुवास जमर कट्टेलले आफ्नो जन्मदिन अनाथ बालबालिकासँग मनाएका छन् ।
साहित्यकार समेत रहेका जमरकट्टेलले एकिकृत सृजनशील समाजले काठमाडौको मनमैँजुमा सञ्चालन गरेको द्वन्दपिडित बाल आश्रममा पुगेर बालबालिकासँग जन्मदिन मनाएका हुन् । दशबर्षे जनयुद्ध र जनआन्दोलनबाट शहिद बनेका, घाइते, अपाङ्गहरुका अनाथ बालबालिकालाई संरक्षण गर्ने उदेश्यले सञ्चालित अनाथ बाल आश्रममा १३ जिल्लाका ४७ जना बालबालिकाहरु आश्रित छन् ।
जमरकट्टेलले बालबालिकालाई स्टेशनरी वितरण गर्नुका साथै आश्रमलाई नगद १५ हजार सहयोग हस्तान्तरण गरेका हुन् । एजेन्सी मेनेजर समेत रहेका जमरकट्टेलको सिटिजन लाईफ इन्स्यूरेन्स कम्पनी स्वयम्भू शाखाले बाल आश्रममै केक काटेर जन्मदिन मनाइदिएका थिए ।
शाखा प्रमुख कल्पना कार्कीले सिटिजन लाईफ पनि सामाजिक कार्यमा रहेको र आगामी दिनहरुमासहयोग उपलब्ध गराउने बताइन् । जमरकट्टेलले जन्मदिनको अवसरमा गरिने फजुल खर्चलाई कटौती गरेर अनाथ बालबालिकालाई संरक्षण गरेको आश्रमलाई सहयोग गरेको बताए ।
जनयुद्धका बटालियन कमान्डर प्रतिकले एकिकृत सृजनशील समाज नामक सामाजिक संस्था दर्ता गरेर द्वन्द्वपिडित बालबालिकालाई संरक्षण गर्दै आएका छन् । ७ बर्ष अघि शुरु गरिएको आश्रममा युकेजी देखि स्नातक तहसम्म अध्ययन गर्ने बालबालिका बसोबास गर्दछन् ।
