spot_img

सोलुदुधकुण्डमा शिक्षक तालिम सुरु

spot_img

सोलुखुम्बुको सोलुदुधकुण्ड नगरपालिकामा ५ दिने प्रारम्भिक बालविकास तालिम सुरु भएको छ । रीड नेपालको आयोजना तथा नगरको समन्वयमा सल्लेरी स्थित जनजागृति आधारभूत विद्यालयमा सुरु गरिएको तालिमको उद्घाटन उपमेयर गान्धिमाया तामाङले गरिन् ।

Advertisement

रीड नेपालका शिक्षा विकास संयोजक केशवदेव गिरीको अध्यक्षतामा भएको उद्घाटन कार्यक्रममा नगर शिक्षा सुपरिवेक्षक गोपालराज भुजेलको उपस्थिति रहेको थियो । उपमेयर तामाङले प्रारम्भिक बालविकास तालिम अतिनै महत्वपुर्ण रहेकोले सक्रिय भएर सिक्न आग्रह गरिन् ।

Advertisement
305910268 600286821640789 3824223315710083547 n scaled

चालु आर्थिक बर्षबाट नगरपालिकाले बाल विकास शिक्षकको पारिश्रमिकमा ५ हजार थप्ने निर्णय गरेको जानकारी गराउदै आगामी दिनमा पनि बाल विकास शिक्षकको हकहितको लागि पहल गर्ने प्रतिबद्धता जनाइन् ।

Advertisement

शिक्षा शाखा सुपरिवेक्षक गोपालराज भुजेलले बाल विकास महत्वपूर्ण भएको हुँदा तालिममा सक्रिय भएर सिकेका सिप कक्षाकोठामा लैजान आग्रह गरे । तालिममा प्रारम्भिक बाल विकासको अवधारणा तथा महत्व, बाल शिक्षकको भूमिका, प्रारम्भिक बाल विकासका मापदण्ड, पाठ्यक्रम अध्ययन, कक्षाकोठा व्यवस्थापन, शैक्षिक सामग्री निर्माण, दैनिक कार्यतालिका निर्माण तथा प्रयोग मूल्यांकन, विद्यार्थी अभिलेख लगाएतका विषयवस्तुमा छलफल हुनेछ ।

305670893 516401060249288 8518639885023319683 n scaled

तालिममा नगरपालिकाका १९ विद्यालयका १९ जना शिक्षकहरुको सहभागिता रहेको छ । तालिमको सहजीकरण रीड नेपालका शिक्षा विकास केशवदेव गिरी तथा शिक्षा विकास अधिकृत सुजता राईले गरिरहेका छन् । रीड नेपालको सोलुखुम्बुका एक सय शिक्षकहरुलाई तालिम दिने योजना अनुसार सोताङ, महाकुलुङ, थुलुङ दुधकोशी र माप्य दुधकोशी गाउँपालिकाका बालविकास शिक्षकलाई तालिम दिइसकेको छ ।

spot_imgspot_img
spot_imgspot_img
spot_imgspot_img

प्रतिक्रिया

LEAVE A REPLY

Please enter your comment!
Please enter your name here

सम्बन्धित खवर
spot_img
spot_img
spot_img
spot_img
spot_img
spot_img
spot_img

भर्खरै